(2月17日Update：出文時已經受注終了！不過官方話反應熱烈會加堆第二次預訂，Fans們要密切留意了！)
係，一講《Hunter》大家又會問候古勒比加落到船未，但諗返當年，都有好多人笑「蟻篇」停刊交草稿。
要笑或者鬧冨堅同《Hunter》總有理由，但亦有唔少人會視問題多多嘅「蟻篇」係《獵人》同冨堅創作嘅最高峰，唔同物種、唔同個體之間嘅碰撞、相知同改變，每次睇蟻王同小麥嘅結局都喊出嚟。
今次出「軍儀」實體棋，身為「蟻篇」fans真係中到應一應。原作冇細講玩法，實體棋有說明書同YouTube都有片詳解遊戲規則，真係捉得到。不過「軍儀」貴為王的玩意，價格都真係貴。
「軍儀」實體版分為普通版、高階版兩個版本，一個賣4,840日圓，一個賣48,400日圓，差成10倍。普通版其實就係一盒棋，有50隻「駒」(即係棋)，再加軍儀盤底紙及放棋嘅墊紙。高階版就有木製軍儀盤組合及裝橫嘅木製小盒。
官方話兩套都喺原作出現過，高階版係一開始捉嗰副，普通版就係最尾捉嗰副…
反正都係有愛先會買，講貴唔貴都無意思，Gadget Gang已經有人諗緊香港點買，安慰自己放喺屋企當茶几都幾靚吖。
日本方面目前於universal music網站接受預訂，預定將於9月16日正式發售。