《巫師3 狂獵》(The Witcher 3 Wild Hunt)都可以話係其中一款極少負評的公認神作，呢款神作於今日12月14日推出次世代版。
新版本畫質大幅提升，對應光線追蹤、60fps，亦有因應PS5、Xbox Series X機能作出改善，最佛心係之前喺PC或遊戲主機上買過呢款遊戲，都可以免費升級上次世代版。
如果你未玩過，依家都係一個好時機開始《巫師3》，早前Steam有特價，但依家應該冇啦。PC玩家可以考慮去GOG.com購買，做緊特價，只係賣9.99美元就買到《The Witcher 3: Wild Hunt – Complete Edition》。
年尾聖誕假冇節目?放棄現實世界一齊做獵魔士啦！