可變6種形態係咪實用？〡實試聲畫效果+電量〡操作手感 3萬身價 機身重量 評論 〡究竟抵唔抵玩？
摺芒電話出咗幾年，技術同設計都已經相當成熟，不過既然電話可以摺芒，手提電腦都當然可以。而最近 ASUS 更把摺芒電腦放到更高質的OLED芒上，推出是全球第一款可摺疊的OLED手提電腦，Zenbook 17 Fold OLED！
雖然新機都出咗一段時間，但 GadgetGang一直都希望試試實機，一來17.3吋咁大個摺芒，可以摺得細過Macbook Air的面積，真心係勁，二來部機有得玩6段變形，相當好玩！今次拍片就要同大家睇睇呢部噱頭十足的手提電腦，聲畫質素有幾好，6段變形的實用度又有幾高？有咩優點缺點等等。
睇片前簡單介紹下呢部 Zenbook 17 Fold OLED，電腦用上黑色的鎂合金，配合深墨綠色的人造皮，機身上當然也會有ASUS的標記，更有相當有型的反射效果。摺合的方式就跟另一品牌的摺合電話相似，同樣是以對摺的方式摺合，不過體積就放大了很多倍。摺合骹位相當實淨，用家開合也應該很有信心，皮革位置相信亦對摺合位有加強保護的作用，而官方亦有說明螢幕摺位經過測試，可循環摺合3萬次，對手提電腦來說耐用度算相當高。
雖然不得不說摺合的骹位比較厚大，但考慮到摺合的是一個17.3吋的大螢幕，比例上也不算過份，加上中間可容納鍵盤，在設計上也頗有心思，所以對我來說是可以接受的。至於其他表現又如何呢，就真係要睇吓片喇！
#ASUS #ASUSHK #Zenbook #Zenbook17FoldOLED #OLED #手提電腦 #筆電 #摺芒 #摺合螢幕 #可摺屏幕#foldablelaptop
==========================
我地開咗Patreon喇！