唔係骨傳導但又唔係入耳式 音量、通話有驚喜 Vincent挑戰半馬會唔會出事？
人生就係不停挑戰，如無意外，Vincent今個星期就會挑戰半馬比賽！
呢期練習都有用跑步耳機，試咗一款新近推出嘅Oladance Wearable Stereo耳機。Oladance算係新品牌，但呢款產品試落都算有驚喜。
首先跑步做運動用入耳式耳機都有啲唔方便，塞住耳道聽得耐會唔舒服之外，隔音太勁都可能會令人注意唔到路面情況。OWS的耳掛式開放設計可以聽到身邊聲音之外，Oladance獨家技術亦令到聲音有足夠音壓感，跑步聽歌係好爽，仲要有好唔錯的通話功能。
當然，佢同一般耳機定位好唔同，用佢嚟坐定定、企定定聽歌就唔太合適，藍牙編碼亦只對應SBC。不過如果你係搵緊一副運動無線耳機，呢一款真係有佢既特別之處，值得一試。
#earphone #sports #oladance #gadgetgang #marathon #耳機 #運動耳機