香港IT人收入全球z第幾？〡《入樽》原版粵語配音回歸〡《Death Stranding》電影化
又到星期日晚嘅《科技新G》時間，睇世界盃決賽前（中、後都得），一齊睇吓表妹同我哋講今個星期科技事。
CES2023 消費電子展 係每年各大電子品牌 show off嘅大日子，隨著越來越近1月嘅展期，唔少品牌都開始透露新產品！其中一個幾有趣嘅就係DELL既概念notebook Concept Luna，呢部機唔係主打有幾勁有咩新技術，而係賣環保同易拆易裝。新機會縮減零組件大小同數量，減少50%碳足跡。官方更強調30秒就可以將機內零件拆晒出嚟，keyboard、speaker、cpu、電池等等都拆到，方便維修或者更換升級。
近日大熱嘅 ChatGPT AI ，唔少潮人都已經搶先玩。近日喺唔同社交平台上面都有人貼出一段長長既對話紀錄，內容上至天文下至地理，甚至無聊笑話、動漫電影乜都有，佢哋正正就係玩緊 Elon Musk有份創立既非營利人工智能研究組織OpenAI，最新開放免費試用既新型聊天機器人 ChatGPT。如果你睇到呢度都未知我講緊咩，就真係要睇今集 科技新G 了解吓喇，唔係就好 out 喇~
一講起IT 大家會諗起咩呢或者都會係IT人（狗），喺香港做IT似乎都幾辛苦，你又知唔知香港IT人（狗）嘅收入喺全球排第幾？近日日本一間人力資源公司就統計了71個地區既IT工程師收入，排名結果都幾有趣。
今個星期的《科技新G》都有幾多電影同動漫消息，先有Henry Cavill不再做超人，大有機會離開DC宇宙；仲有小島神的遊戲神作《Death Stranding》鐵定電影化；GadgetGang搶先睇《阿凡達：水之道》；仲有香港版《入樽》電影揾番當年亞視嘅原版粵語配音；以及Pokémon小智同比卡超都一齊退休！
#gadgetgang #gadgets #gg #dell #notebook #conceptluna #chatgpt #IT狗 #deathstranding #avatarthewayofwater #avatar2 #阿凡達 #阿凡達水之道 #男兒當入樽 #thefirstslamdunk #pokemon
==========================
我地開咗Patreon喇！