又到《科技新G》時間，今個星期到表妹、Cheryl同大家講吓最新科技同生活資訊！今個星期我地實試咗唔少新機，先有Sony A6700，事隔多年再出APS-C旗艦機，值唔值得換機呢？
另外亦都有日系品牌Technics新款真無線耳機，對唔少人嚟講日系都係種信仰，呢款新耳機主打日系暖聲，再加上自訂100級降噪，都有唔少賣點。
除了試機，今個星期科技界都好多事發生。Elon Musk同朱克伯格打口水戰之外，亦都打起AI戰，開設了AI新公司xAI，話目標要了解宇宙本質，同其他AI唔同咁話。
Microsoft收購Activision Blizzard單唔經唔覺已拖咗年幾兩年，近日美國法院正式駁回ftc的禁制令，似乎真係有望買得成，相信都會為game界帶來大變化。
好去處方面，迪士尼100周年在海港城、時代廣場、荷里活廣場等多個地方都有特別擺設，今次介紹各個打卡位。
我哋亦都去咗澳門採訪亞洲綜合度假休閑產業博覽會，搵嚟世界級電競隊PSG Talon CEO做訪問。PSG 以香港為基地，旗下LoL隊伍長年打入世界賽，早幾年更有香港選手做主力，不過今年就冇香港選手了，又聽下CEO Sean點講。