又到《科技新G》時間，今個星期到表妹同新成員Cheryl同大家講吓最新科技同生活資訊！大家要多多支持實習新隊員呀！
睇片！
今個星期GadgetGang都試咗好多新嘢，先有Samsung Odyssey OLED G9 超闊電競芒，G9系列霸氣49吋32:9螢幕向來都吸引，今次仲升級用OLED，再加埋有型機身，玩得有沉浸感，擺喺屋企亦相當架勢。近日正式在港發售同公佈售價啦！
我哋亦都有試到乾濕全能洗地吸塵機Dyson V12s Detect Slim Submarine，多咗全新Submarine洗地滾筒吸頭，吸塵、拖地都無問題。片入面同大家睇實際示範同內部構造。效果係好好，但個新頭暫時係唔可以用落舊機，想玩新洗地滾筒吸頭就要買新機。
除咗旗艦產品，都有抵玩推介。唔少機迷留意的HyberX Cloud 3耳機見街喇!今次都keep到抵玩價，實試過最鍾意係佢個配戴感，貼得嚟唔覺焗，係一隻適合長期用嘅耳機。聲音表現用嚟打機都交足功課，對應dts x空間音效，係聽歌會低音太出，有啲萌，但呢個價已交足功課。
遊戲方面，《Final Fantasy XVI》6月22日推出，官方都喺德福商場搞咗個發售記念展，喺展入面試玩就有精品送，順路值得一去。
另外今個星期都有唔少科技趣聞，例如人人都鬧Netflix打擊分享帳戶，但原來大家都偷偷哋課金，Netflix新措施推出後訂閱數顯著上升；仲有Samsung前員工居然大膽到偷咗公司機密，喺中國設廠，不過最終都難逃法網。