等左咁耐，Disney+串流平台終於登陸香港！正式有得睇的日子係11月16日！相信大家都最關心價錢，Disney+月費為港幣$73，年費則是港幣$738，計返年費每月係$61.5。呢個價錢比起其他streaming服務都唔算貴，外國現有的Disney+6條頻道有齊，包括迪士尼、彼思、Marvel、星球大戰、國家地理和 Star，咁有咩睇呢?
必睇Marvel、星戰原創劇
最吸引既一定係Marvel同星戰兩個系列嘅原創劇，《曼達洛人》、《汪達與幻視》、《飛隼與寒冬戰士》、《洛基》、《無限可能…假如？》呢幾套贏盡評價同人氣嘅劇集全部都有得睇。亦已預告2021年11月24日會全球同步上線新劇《鷹眼》。
另外Star頻道入面亦會加入亞洲和香港電影，包括《西游·降魔篇》、《乜代宗師》等等。
支援4個裝置同時上線
講親訂閱服務，大家都會搵返失散好耐嘅屋企人。Disney+最多支援4個裝置同時上線，大家睇下點樣組隊課金喇！
睇片裝置方面包括智能手機和平板電腦（Android 和 iOS）、遊戲機（PlayStation 4、 PlayStation 5、 Xbox One、 Xbox Series X/S）、智能電視及聯網電視設備。影片可以下載到最多10部裝置，download完出街唔使上網都煲到劇。
11月16日起，可以直接從 Disney+ 網站、Android 和 iOS 裝置上的 Disney+ 應用程式訂閱服務。disneyplus.com 上註冊，有新消息就會有通知。
到正式推出時，我地GadgetGang都會同大家實測，點樣先可以同家人用盡個Disney+ account齊齊煲節目，記得Follow我地一齊睇啦！
- 全部已公佈節目內容
Disney+ 原創及獨家作品
- 包括《鷹眼》、《無限可能…假如？》、《洛基》、《飛隼與寒冬戰士》、《溫黛與幻視》、《曼達洛人》、《小白呈獻》、《怪獸開工》、《小叉有問題》、《小姐與流氓》、《天才兒童神秘學會》、《咸美頓》以及《太空先鋒》
Marvel Studios大型電影
- 包括《復仇者聯盟：終局之戰》、《復仇者聯盟：無限戰爭》、《Marvel隊長》、《美國隊長3：英雄內戰》、《黑豹》、《復仇者聯盟2：奧創紀元》等
全系列9套星球大戰電影
- 包括《星球大戰：原力覺醒》、《星球大戰：最後絕地武士》、《星球大戰：天行者崛起》
迪士尼經典電影
- 包括原創動畫以及真人版電影，如《黑白魔后》、《幻險森林奇航》、《獅子王》、《阿拉丁》、《美女與野獸》、《魔雪奇緣2》等
彼思動畫製作室作品
- 包括《盛夏友晴天》、《靈魂奇遇記》、《½的魔法》、《反斗奇兵4》、《超人特工隊2》、《海底奇兵2》等
國家地理National Geographic
- 包括《地獄廚神：異國尋味》、《Limitless with Chris Hemsworth》、《探訪超凡地球》、《太空先鋒》、《謝夫高拔林帶你探索世界》、《赤手登峰》以及《鯨之奧妙》
Star特選內容
- 包括標誌性電影《死侍》、招牌電視劇系列《陰屍路》、《醫人當自強》、《追愛總動員》、《地獄風暴》、《9-1-1》 等
其他國際知名電影
- 包括《變種特攻》系列、《寶貝智多星》衍生的《Home Sweet Home Alone》，以及大家喜愛的《阿森一族》