iOS 16又有好消息 | 可以同「我不是機器人」講byebye

過去登入某啲網站嘅時候,相信大家都試過被要求返啱嘅驗證碼,又或者係「找出馬路」、「點選有汽車的圖示」等等嚟驗證「我不是機器人」。面對重覆又重覆嘅步驟,多多少少都會有啲燥底。

但喺秋季有得更新嘅iOS 16系統,有一項「自動驗證」嘅新功能,可以結合你用緊嘅設備同Apple ID等資訊令造訪嘅網頁知道你係真人而唔係機器人。簡單啲講,更新之後就可以允許用户直接造訪網站,唔再需要驗證程序!

更新後會自動啟用自動驗證功能

一向重視用戶私隱嘅Apple就表示「自動驗證」功能完全保障用户資料安全,令網站喺不獲取用戶嘅任何真實資料情況下,就可以判斷不是機器人。呢項功能喺iOS 16, iPadOS 16, macOS Ventura都可以用到,更新後已預設啟用。

有咗呢個功能之後,Apple嘅用家以後就唔洗再㩒黎㩒去,真係令人鼓舞呀!!

#Apple #iPhone #iOS16 #自動驗證 #機器人