幾個月前Apple發佈會中提及過，我哋GadgetGang拍HomePod mini新色開箱片亦講過的，Apple Music 語音點播（Voice Plan）終於在香港正式推出！雖然之前一直未有好確實的詳情，但GadgetGang阿聰一直都幾期待，覺得會幾抵玩，到今日正式消息推出，更是比想像中更抵玩！
$28月費 Apple Music 8成功能
雖然未有時間拍片剪片實試畀大家睇，但$28月費，基本上可以話係用到8成原本Apple Music的功能。或者之前好多人都有疑問，以為Voice Plan只限點播歌單，但正式消息確認，除了歌單外，更可直接點播歌手、歌曲，等到聲控版Apple Music！
既然係咁，咁淨番2成Voice Plan做唔到嘅功能又係乜？第一就是歌曲不能下載，亦即是所有歌曲只能在網絡上線上播放，不能offline聽歌。第二就是Voice Plan不會提供Spatial audio空間音訊，及高清無損歌曲。
簡單嚟講，Apple Music 語音點播（Voice Plan）就是入門版的Apple Music入門版，訂閱就更簡單，只要用語音直接問Siri就得，唔需要付款登記，而且有7日免費試用，絕對可以一試！如果有HomePod mini就更加值得試玩。今次新Voice Plan，除了是推廣Apple Music外，相信亦是希望吸引更多人利用和習慣使用Siri。最後一提是Voice Plan在美國月費是4.99美金（約港幣$39，但香港定價更進取，只是$28，比美國平得多！