售價$5,198起 一片睇晒試相比拼、螢幕比較 S21 Ultra、跑分成績、外型細睇
Snapdragon888 + 8GB RAM 睇齊S21
GadgetGang 2022首次開箱！同大家一齊睇Samsung Galaxy S21 FE 5G實機！睇片啦！
這部新電話如無意外是今年香港首部發佈的電話，雖然唔係頂級旗艦作，但就繼續FE一向抵玩的型象，以相對便宜的價錢，提供絕大部份S21系列的旗艦級功能硬件。
S21 FE 5G 繼承了 S21 的標誌性設計，採用經典輪廓切割鏡頭組合邊框，雖然依舊突出，但設計不錯。新機提供四款配色選擇，包括橄欖綠、丁香紫、陶瓷白和炭灰黑，霧面機身，雖然稍為有點膠感，但手感和觀感都不俗，亦不易留指紋。加上新機只重177g，厚7.9mm，以6.4吋螢幕電話來說，非常輕巧。
S21 FE 5G配備了120Hz屏幕刷新率的Dynamic AMOLED 2X屏幕，加上全新的240Hz觸控採樣率，讓玩家感受極度靈敏的超快速觸控回應，打機應該相當正！
鏡頭方面 ，新機設有3個主鏡頭，分別是1200萬像 F2.2的超廣角鏡，1200萬像 Dual Pixel + 光學防震 F1.8的廣角鏡，還有一個800萬像素 同樣有光學防震的F2.4 混合式光學變焦3x鏡頭，最遠更可以做到30倍變焦，不過當然，這些超遠拍攝實用度就不太高。而前置鏡頭就有3200萬像素 F2.2光圈。
今次新機亦同樣設有Director’s View模式，不過中文名稱就改為雙相機錄製，雖然可以前後鏡同時拍攝，但後鏡就只能用主鏡頭，而非S21 Utra般可選不同鏡頭。其他如人像、一攝多拍、Live Focus、Super Slow-Mo、防手震拍片等等亦統統有齊。
新機即日起預售，1月11日就正式公開發售，128GB售價是$5,198，256GB售價是$5,598。個人來說，如此價錢有這樣的配備和外型是頗吸引的。不知道大家又怎樣看呢，不妨留言和我們傾計，而我們GadgetGang之後亦會對這部新機，作更深入的詳測，大家記得留意！